MIES e +

MANIFESTA, IMAXINA, EXPERIMENTA, SENTE!

En colaboración co Centro Galego de Arte Contemporánea -CGAC-, propoñemos unha serie de talleres de arquitectura dirixidos ao público infantil. O obxectivo é proporcionar aos nenos e nenas as claves necesarias para interpretar a arquitectura contemporánea mediante o legado das figuras máis relevantes do noso tempo neste campo.

Os arquitectos David Antuña e Víctor González e a artista Rebeca Mariño introducen aos participantes no apaixonante mundo da arquitectura contemporánea. Cada taller está dedicado a un autor representativo das diferentes xeracións de arquitectos desde as vangardas ata a actualidade e desenvólvese atendendo á filosofía de cada creador.

O xogo é fundamental durante todas as sesións. Utilízase a didáctica de Sistema Lupo tanto no referido ao material como aos contidos. É unha didáctica experimental que fomenta a reflexión e a creatividade individuais ademais do traballo en equipo a través de dinámicas de construción a gran escala.

A metodoloxía inclúe unha parte teórica, onde se fai un achegamento á figura e ao pensamento de cada arquitecto, e posteriormente exponse unha serie de retos construtivos.

O CGAC presenta a quinta edición deste ciclo de obradoiros adicado á arquitectura contemporánea para o público infantil. E como ven sendo tradicional pecharemos o programa cun obradoiro dirixido ás familias.

Seu obxectivo é proporcionarlles aos nenos e nenas as ferramentas e as claves necesarias para interpretar a arquitectura do noso tempo a través das teorías, os proxectos e os traballos dos arquitectos e arquitectas máis importantes dos últimos tempos. Como cada edición os temas serán tratados transversalmente empregando a arquitectura como fio condutor. Neste caso valémonos da figura do autor para introducirnos en mundos creativos a través do seu pensamento.

Sistema Lupo aposta por unha didáctica activa, experimental, mistura de teoría e práctica onde o xogo é o verdadeiro aglutinante dunha dinámica creativa de carácter cooperativo. En paralelo ás propias didácticas Lupo ten un compromiso co desenvolvemento de ferramentas de xogo cooperativo onde o xogo de construcción é o eixo da investigación.

Balkrishna Doshi. A universidade do local. 26-27 Outubro

Zaha Hadid. Deconstruímonos en equipo. 23-24 Novembro

Bruno Zevi. A linguaxe da arquitectura moderna. 25-26 Xaneiro

Lilly Reich. Deseño e arquitectura. 22-23 Febreiro

Alejandro De La Sota . Bloques lóxicos. 28-29 Marzo

Wang Shu y Lu Wenyu. Reutilización. Máis vidas que un gato. 25-26 Abril

Diébédo Francis Kéré. Conexión humana. 30-31 Maio